مين يهمه

موضوع: مين يهمه الإثنين يونيو 29, 2009 8:58 pm

ومييييييييييين يهمه
لو ان دم عصفور صغير ع الأرض سال
لو ان ورده لسه بنداها دسنا عليها
والغصن مات
وميييييييين يهمه
بلاش تجاوب على السؤال
اكتم ف قلبك صرختك
بلاش تجاوب على السؤال
اصل الاجابة تموتك
والآن قلب وروح بيتقسمه
مواطن بيسّلم حروف أسمه
بيخلع آخر .. هدمه آخر هدمه
على جسمه , آه .. ومين يهمه
مين يهمه
لو اتسرق نبض الخطاوي ف الشوراع
والامان هجر البيوت
والخوف خطف مننا لمعة عنينا
والقهر عشش عنكبوت
ومين يهمه
منين نجيب قدرة تملانا تانى جروح
تدب فينا حياة , ننسى هوان وجروح
لو لسّه فى قلبى وقلبك أحلام مش راضيه تموت
لو لسّه لكلمة " بلدى " ريحة وطعم وجبروت
المحنة سحاب هايعدى , الصعب أكيد هايفوت
طول عمرك وأنت الابقى والخالد رغم الموت
لو لسّه فى قلبى وقلبك أحلام مش راضيه تموت
لو لسّه لكلمة " بلدى " ريحة وطعم وجبروت
المحنة سحاب هايعدى , الصعب أكيد هايفوت
طول عمرك وأنت الابقى والخالد رغم الموت
و الكل حايهمه… حايهمه

ياريت الكل يهمه
What Else I Can Lose
http://kolozayba3do.blogspot.com/