اهم العلقات فى حياتك

انهارده موضوع غريب شويه وهو اهم او ابرز العلقات اللى خدتها فى حياتك من والدك او والدتك وفى الغالب بيبقى من والدتك................
ابدا بنفسى وانا وبالا فخر ضربت الرقم القياسى فى عدد العلقات اللى خدتها من والدتى بس
العلقه رقم واحد كانت وانا صغير خالص كان واحد رن الجرس صاحب والدى ف امى قالتى اطلع قوله انت هتقرفنا بهزار فانا طلعت قولته كده خدت علقه يومها جامده موت
العلقه رقم انتين كنت اول مره ادخل المطبخ فى حياتى ومكنتش اعرف الفرق بين الزيت والخل فحطيت خل فى الفول بدل ما احط زيت واخوتى كلوا منه وبعد كده قعدوا يرجعوا كانت علقه خفيفه يومها
العلقه التالته:كان وانا فى خامسه ابتدائى وكنت شرير شويه كان فى مكتبه جنب المدرسه وواحد زميلى قالى ان الراجل صاحب المكتبه ده عنده عقده من كلمه شطرنج صغير ومحدش يسالنى ازاى فالمههم
ابن عمتى كان معايا فى المدرسه فقولت اعمل فيه الموقف ده فقولتله انا عاوز اجيب الشطرنج ده بس انا متخانق مع الراجل صاحب المكتبه فعوزك تروح تساله على تمن الشطرنج الصغير اللى عنده فالعمليه مشيت تمام وراح يساله وانا كنت واقف بعيد وفجاه لقيت الراجل ضرب ابن عمتى المهم انا طلعت اجرى وانا بكركع من الضحك وانتظرنى يوما مليا بالشباشب والخراطيم فى المنزل ........طبعا ابن عمتى بعد ما زميلى قاله على حقيقه المقلب بتاعى راح اشتكى لولدتى وما ادراك والدتى المهمه ... اتصلى فيا فى اليوم ده
يلااااااااااااااااااااااااا بقى عاوز اشوف ذكرياتكوا الجميله فى نظرى

ياااااااااه انتوا كلكم كده - علقه علقه يلا ربنا يقويكم - وكمان كينج كونج شيال حمول اكتر من النايت مير
هههههههههههههههه
بااااااااااااي
H.el-Swefy.

شكرا يا الردود الحلوه دى
ايام زمان دى الواحد
بيتمنى بجد ترجع كانت ايام ملهاش حل بحلوها ومرها

بابا وماما مش بيحبو مبدأ الضرب ده خااااااالص

كفاية كلمة تأنيب منهم تحسسك انك اتضربت 100 علقة

ده انا احيانا كنت اتمنى انهم يضربوني .. بس ما يقولوليش كلام يزعلني
((سياسة بقى))

شكرا ع الموضوع

ساعات فعلا الكلام او التانيب من غير ضرب بيبقى مؤثر بس دى بترجع للتربيه بتاع الام والاب يا ترى هما اتربوا على ايه لو على العقاب بالكلام بس غالبا بيتعملوا بنفس الاسلوب معانا بس لو فى عقاب بالضرب بيبقى ضرب الحبايب يعنى مش بيوجع اوى بيخافوا علينا وهما بيضربونا

:Khairy:

سلام عليكم.......... انت شرير فعلا يا شكسبير انت وصاحب حماقى ده يا عم متعديش على زميلك وسيبه يسترزق,,,بس موضوع الهروب من الدرس ده رخم شويه عشان لو اتعرف عندك فى البيت بيحصل ما لا يحمد عقباه ,,, ليا واحد صحبى كت مره من الدرس وراح بغباءه قعد على قهوه وهو عارف ان ابوه بيقعد عليها المهم شافوا بعض... زميلى طلع ذكى جداا ومشى فى اتجاه ابوه ولا كانه هربان من الدرس وراح قاله المدرس لغى الحصه وانا جيت عشان ادور عليك واديك الفلوس وعطهالوا .....زميلى كان زعلان على العشره جنيه بس اللى كان مخفف حزنه انه شرب سحلب على حساب ابوه