عارفه...؟؟؟؟

موضوع: عارفه...؟؟؟؟ الأحد يناير 18, 2009 6:48 pm

عارفه لما الدنيا تقفل فى وشك بيبانها تعملى ايه
ابتسمى و اضحكى على الدنيا
اصلها مش هتدوم
عارفه لما تدوقى المر و الايام معاكى مش راضيه تمر
تعملى ايه
انسى المر و ايامه و افتكرى اى حاجه حلوه حصلت فى حياتك
هتلاقيها بتمر
عارفه لما تبقى محتاسه و حاسه انك وحدك فى وسط الناس تعملى ايه
فكريهم بيكى
باى حاجه تدل عليكى
عارفه لما تقعدى لوحدك و مفيش حد راضى يودك تعملى ايه
وديهم انتى و مش هتبقى لوحدك
عارفه لما تبنى امال اعلى من كل الجبال و فى لحظه تيجى الموجه و تهدك تعملى ايه
تقفى تانى و افتكرى كلامى ده و اسالى نفسك
انا ليه وقعت
هتلاقى الاجابه جت لوحدها
عشان تتعلمى من اخطائك و وقعاتك
اما بقى اخر حاجه مش هقدر اجاوب عليها
او الاقيلها حل او اجابه
علشان لو كان فى حل كنت نفعت نفسى
بس اللى اقدر اقوله
ان اللى فى القلب عمره م بيختفى

موضوع: رد: عارفه...؟؟؟؟ الأحد يناير 18, 2009 11:38 pm

السلام عليكم ورحمة الله وبركاته

ما أجملها الاشياء عندما تتقبلها كماهى
وما اجملها العطايا عندما تبدأ أنت بالعطاء

وفقت ف اختيارك لهذه الكلمات الرائعة
جزاك الله خيرا.

السلام عليكم ورحمه الله وبركاته
كلمات رائعه جدا جدا
ميرسى ليك يابشمهندس
تسلم ايدك
وفعلا كل الكلام ده صح جدا
بس اللى يعمل بيه
يلا بقى
سلااااااام
دلوعه
m.m.m

السلام عليكم
كلامك كويس بس مش دايما لما احلامنا بتتهد
ممكن نقوم ونبني احلام من جديد
وكمان احيانا لما بنغلط بتكون الغلطه كبيرة
ممكن نكون غلطنا من غير قصد وندمنا
بس لاردو هتفضل الغلطه
وهيفضل شبحها بيطاردنا وخاصه لما
تبقى متقدرش تقول لحد وتعيش الامك لوحدك
وتعيش ايام من الرعب والقلق على غلطه
غلطها من غير قصد او ممكن تكون
كنت فاكر ان الناس كلها طيبه زيك
وفجاه تكتشف انهم كانوا بيخدعوك
او انت الي كنت طيب زيادة عن اللزوم
وزي ما قولت جرح القلب عمرة ما يتنسي
وبيفضل جواك زكرى اليمه دايما تطاردك في
كل لحظات فرحك
بس السؤال الي نفسي اعرف اجابته ليه بقى
سهل نخدع بعض وناذي بعض
سلام

علشان احنا طيبين
و الطيبين خايبين .... سهل ينضحك عليهم باى كلمه
و بيصدقوها

[size=18]السلام عليكم ورحمه الله وبركاته
ياخساره ع الزمن العجيب اللى بقينا عايشينه
زمن بقيت الطيبه فيه خيبه
هو الواحد لما يبقى طيب يتسمى فى زمننا ده خايب ويتضحك عليه بسرعه
طب ونفترض اذا كان الواحد ميبقاش بيعرف يغش ولا يخدع ولا يكدب
يبقى ايه بقى ميعرفش يعيش ولا ايه
يتسمى خايب وعبيط وكده
اصلى بصراحه بسمع الكلام ده ع نفسى كتير
بس مش عارفه اغير نفسى للى الناس تحبه
مش عارفه مصدقش كل كلمه بتتقالى
بس لما اغير هفقد الثقه فى كل اللى حواليه حتى اقرب الناس ليا
يلا مطولش عليكوا
بس الواحد بجد مش عارف يتععايش ازاى اليومين الدول
لو اتعامل بطيبه بيقولوا خايب
ولو اتعامل بخبث بيقولولا خبيث وسوسه وكده
طب نعمل ايه
يلا
اهى دنيا وهتتعاش وربنا يطلعنا منها ع خير
سلااااااااااام
دلوووووووعه
m.m.m
[/size]

اييييييييه ده ؟؟
مش حد يزمر طيب ولا حاجه عشان آخد بالي ؟؟!!

كلام مظبوووط أكيد .. بس للأسف منين نجيب التفاؤل ده ؟؟!!
يمكن الحاله النفسيه كانت وحشه و حاجات كتير جات مره واحده فـ الدنيا اتقفلت معايا ...
بس أهو الحمد لله ربنا يسهل و المود ده يخلص .. دعواتك ...

كنت عايزه اعلق بس على آخر حاجه ...
ممكن كلامك مظبوط ...
بس الأصعب من ده إن تكون نفسك هي اللي ساكنه جوّاك .. بس نفسك اللي انت مش عارفاها .. !!

كان فيه صورة كنت حاطاها ع البلوج ماشيه مع الجزء ده قوي ...
كنت عايزه احطها هناك بس الدنيا هنجت و كسلت ...
و برضو دلوقتي عايزه احطها هنا بس الدنيا مهنجه ... !!
اللينك بتاعها أهو .. معلش بقى كبييييير ... !!

http://2.bp.blogspot.com/_VecssjvLtTM/SXKU8QBECKI/AAAAAAAAAQQ/kd2pEzU7asc/s1600-h/Strange+in+mirror.jpg

بس خلاص ...
تسلم ايدك يا دارك ...

احنا فعلا طيبين بس الطيبه متنفعش في الزمن ده والمشكله اني كنت فاكرة نفسي ناصحه
وانا طلعت هبله بس المشكله مش الطيبه المشكله في الي بيحصل من الطيبه دي الي بتسببه
يعني بس هو انا المفروض علشان منخدعش وكدة لازم ابقى شريرة وخبيثه
ولا هي الطيبه بقت جريمه دلوقتي وشئ نتعاقب عليه ولا الطيب ملوش مكان في زمنا ده
طيب خليني طيبه ليه الطيب لازم ينخدع المفروض ده طيب نحافظ على مشاعرة ونحترمه مش
نخدعه ونضحك عليه هو احنا عملنا ايه للناس علشان يجرحونا هي الطيبه ذنب وبنتعاقب عليه
يلا بقى الواحد جواه كتير وشايل ياما وربنا يعدي ايامنا في الدنيا دي على خير
وزي ما بتقول دايما يا دارك ان اقوى جرح هو جرح القلب
شوف سبحان الله مرة واحده كدة بقيت بتكلم زيك شكلك عدتني
يلا بقى سلااااااااااااااااام