مش عارفين تذاكروا.....يبقى الحل هنا!

اخواني اخواتي ....

المذاكرة 3 أنواع ...

1- مذاكرة ضعيفة أوى يادوبك عشان النجاح ولكن غالبا بدون فهم .
2- مذاكرة وسط تبقى فاهم فهم شمولى وتنجح بسهولة باذن الله.
3- مذاكرة ممتاذه بفهم عميق تمهد لتكوين مخترع أو عالم.

وبنظرة عابرة على ظروف الكلية وطبيعة نظام الترم اللاهثة
يبقى مفيش أدامنا الا الطريقة الوسط " خير الأمور الوسط "
وطريقة الوسط تختلف من مادة الى أخرى حسب طبيعة المادة
وحسب شكل الامتحان وحسب شخصية وأسلوب أستاذ المادة ...

تحب تعرف أفضل الطرق للمذاكرة؟
تحب تشوف الذاكرة بتاعتنا ماشية ازاي؟
تحب تخلي ذاكرتك دي طوع إرادتك؟

النهارده هاقول لكم أفكار رائعة هتساعدكم وإنتو بتذاكروا ...
الأفكار دي هتساعدك تعرف أفضل الطرق للمذاكرة وتثبيت المعلومات...
خلي بالك ...

أنواع الذاكرة

عشان نعرف نذاكر لازم نعرف الأول الذاكرة بتاعتنا بتشتغل ازاي...
وعن طريق معرفتنا دي ممكن نستخدمها أفضل استخدام..
الذاكرة أيها السادة نوعان... ذاكرة قصيرة الأمد، وأخرى طويلة الأمد.

1- الذاكرة قصيرة الأمد...

النوع ده من الذاكرة هو اللي متخزن فيه المعلومات العابرة خلال اليوم...

فطرت إيه النهارده؟
عملت إيه امبارح؟

المعلومات دي بتبقى معانا لفترة قصيرة وبعدين ممكن تنساها...
لو سألتك الأسئلة دي بعد سنتين.. ممكن ماتبقاش فاكر إنت فطرت إيه من سنتين!
الذاكرة قصيرة الأمد بتتخزن بسرعة عن طريق العقل اللاواعي...
والذاكرة قصيرة الأمد دي سعتها 7 زائد أو ناقص معلومتين في المرة الواحدة...

عايز تعرف ازاي؟
يبقى العب معايا اللعبة دي:

احفظ الرقم اللي هيظهر قدامك ده:

123313414515

ماعرفتش تحفظه؟!؟!
عادى....

الرقم اللي قريناه من شوية ده... ماعرفناش نحفظه بسرعة
عشان زي ما قلت لك الذاكرة قصيرة الأمد بتشيل بس 7 معلومات زائد أو ناقص اتنين
(من 5 إلى 9 معلومات في المرة)..

فالرقم اللي شفناه ده مكون من 12 رقما... يعني 12 معلومة...
عشان كده صعب على الذاكرة قصيرة الأمد إنها تشيله...

يبقى إيه الحل؟

عشان تحط الرقم ده بسهولة في الذاكرة قصيرة الأمد...
ممكن تلعب لعبة جامدة جدا...
ممكن بدل ما تخليه 12 معلومة... تخليه 4 معلومات بس!!

عارف ازاي؟
بص على نفس الرقم لما كتبناه بأسلوب تاني:
123
313
414
515
سهل يتحفظ كده... صح؟

كل اللي عملناه إننا قسمنا الرقم بشكل تاني...
بحيث نحفظ كل شوية مع بعض
(مش رقم رقم زي الأول... الرقم الطويل بقى 4 معلومات بس.. فبقى أسهل!

قاعدة مهمة:

عشان تعرف تحفظ... قسم المعلومات الكبيرة بطريقة سهلة الحفظ...
واربط بين المعلومات وبعضها عشان تحفظها أسهل...

2- الذاكرة طويلة الأمد...

دي الذاكرة اللي بتشيل المعلومات المهمة جدا اللي من الصعب جدا إنها تتنسي...
اسمك إيه؟
رقم تليفونك كام؟
وكده يعني...

والذاكرة دي عشان تتكون لازم تقوم بشوية مجهود في الأول...
بعد كده هتثبت بطريقة رائعة...
وهي دي المذاكرة بقى...

يعني إيه مذاكرة؟

المذاكرة دي ببساطة هي إنك تنقل المعلومات من الذاكرة قصيرة الأمد للذاكرة طويلة الأمد...
عشان كده لما حد يقول لك: عايزك تحفظ الدرس ده زي اسمك
يبقى كأنه بيقول لك: عايزك تحفظ الدرس ده بالذاكرة طويلة الأمد!

لكن لو ذاكرت درس ونسيته تاني يوم... تبقى بتستخدم الذاكرة قصيرة الأمد بس.

ازاي ننقل المعلومات للذاكرة طويلة الأمد؟

عشان ننقل المعلومات للذاكرة طويلة الأمد لازم نقوم ببعض المجهود زي ما قلنا...
لكن النتيجة بتكون رائعة...
طيب هنعمل ايه ؟؟؟

1-التكرار:

هيخلّي عقلك يتعامل مع المعلومة باهتمام لأنها بتتكرر...
تبقى مهمة بالنسبة لك...

2-استخدام مراكز المخ المختلفة:

الطريقة دي مؤثرة وفعالة جدا...
- إنت بتذاكر بعينك: يعني مراكز الإبصار في المخ اشتغلت على المعلومة دي...
- اكتب وإنت بتذاكر: هيخلي مراكز المخ المخصصة بعملية الكتابة تشتغل على المعلومة دي...
- سمّع اللي ذاكرته: نشطت مراكز الذاكرة ومركز الكلام اشتغل برضه على نفس المعلومة
لو كنت بتسمّع بصوت...

بالطريقة دي المعلومة تغلغلت جواك بأكتر من طريقة.. يبقى ألف مبروك!

3-الحالة الذهنية:

وإنت بتذاكر المعلومة حط في دماغك إنك بتذاكرها عشان تفضل على طول
وتفيدك طول حياتك... لو ذاكرتها على اعتبار إنها معلومة مؤقتة عايزها للامتحان بس
عقلك هيتعامل معاها على إنها معلومة تافهة ويحطها في الذاكرة قصيرة الأمد
زي ما إنت طلبت منه!
تخيل إنك بتحفظ المعلومات دي لأنك هتحتاجها بعد سنين طويلة...
تخيل كده مش هتخسر حاجة... وهتندهش من النتيجة الرائعة اللي هتتحقق...

بالطرق دي هتلاقي إن اللي حفظته ده هينتقل للذاكرة طويلة الأمد
وهتلاقي نفسك حققت النتيجة اللي إنت عايزها...

مش كده وبس...

فيه طرق تانية هتساعدك على المذاكرة ...

زي ايه ؟!؟!؟!

يا تري عارف ايه هي مهارات المذاكرة ؟!؟!؟!

مهارات المذاكرة

المهارة الأولى : القراءة الفعالة

يمكنك اكتساب مهارة القراءة الفعالة، من خلال اتباع الخطوات الثلاث الآتية:

المرحلة الأولى: قبل القراءة

التهيئة النفسية والعقلية للقراءة:
اختر مكانًا هادئًا مضاء بشكل مناسب، فهذا سيعمل على زيادة تركيزك.
ابدأ بالتفكير حول ما ستقرأ ، تعرف على العنوان الرئيس والعناوين الفرعية
فهي توضح الفكرة الرئيسية للدرس وركز على الاستنتاجات والتطبيقات.
اطرح أسئلة معينة في ذهنك من واقع قراءتك للعناوين مثل
(ماذا، كيف، لماذا، أين، متى، مَن) مما يثير انتباهك
ويشعرك بالمتعة والتشوق لما ستقرؤه،
فوجود أهداف للقراءة تجعل الطالب يسعى وراء تحقيق هدفه.
ضع بعض التوقعات الذكية على هيئة افتراضات،
ثم قم بتعديلها على ضوء ما تقرؤه، فالافتراضات تساعد على تركيزنا عند القراءة ،
وتجعلنا نشعر بالإثارة عندما تتحقق تصوراتنا لما قرأناه أو سمعناه فيما بعد.

المرحلة الثانية: أثناء القراءة

عملية المسح:
اقرأ الموضوع بصورة متكاملة وسريعة، دون تثبيت العين طويلاً على
جزء من السطر أو على كلمة؛ فعليك أن تعويد عينيك على القراءة المنطلقة إلى الأمام،
ولا تعيد قراءة الجملة، حتى لو شعرت بعدم الفهم التام للمعنى،
فقد تجده في الجمل والعبارات التالية؛ والهدف من القيام بهذه
القراءة السريعة أو المسحية هو التعرف المبدئي على الدرس.

المرحلة الثالثة: بعد القراءة

عملية الاسترجاع:
راجع المعلومات والأفكار الرئيسة، وذلك إما بكتابة ملخص لها،
أو بتسجيل بعض الملاحظات الهامة، أو القيام بعملية التسميع
لأهم الأفكار والاستنتاجات والمفاهيم، التي توصلت إليها،
وقد أثبتت الأبحاث أن قيامك بعملية الاسترجاع بإمكانك تذكر 70% من المعلومات التي ذاكرتها.

المهارة الثانية: مهارة التلخيص

التلخيص من المهارات الدراسية ذات الفوائد الجمة،
ويمكن اكتساب هذه المهارات وتطويرها بالممارسة،

ومن أهم فوائد عملية التلخيص وكتابة الملاحظات

1- تساعد على التركيز على المعلومات الهامة والأساسية،
فهو يساعد على التركيز بفاعلية على ما تقرأ أو تسمع.

2- تساعد في عملية الفهم والاستيعاب، فعمل الملخصات يحدد لك
الأطر العامة للموضوعات والتفصيلات المتفرعة عنها،
ويضع حدودًا فاصلة بين أجزاء الموضوع، ويعمل على تصنيفه
وتقسيمه بصورة توضح المعنى وتساعد في تخزينه في الذاكرة بصورة مرئية.

3- تساعد في إمدادك بسجل من المعلومات المركزة،
التي ستحتاج لها في المستقبل؛ فإذا ما أردت إجراء
مراجعة سريعة لبعض الدروس، وليس لديك وقت كاف
لمراجعتها من الكتاب بإمكانك الاستعانة بالملخصات.

4- تساعد على إدارة الوقت بفاعلية، فهي تجنبك إضاعة الوقت والجهد،
فبدلا من قراءة (10) صفحات يمكن تلخيصها في صفحتين باستخلاص أهم الأفكار.
ولهذا الجانب أثر نفسي إيجابي عليك ، وعلى استمرارك في عملية المذاكرة والمراجعة الدورية.

كيف تلخص؟

هناك طرق عديدة لكتابة الملخصات وأخذ الملاحظات، وتعتمد الطريقة المستخدمة،
على طبيعة المادة المطلوب تلخيصها، والهدف من قيامك بعملية التلخيص،
والطرق أو الأشكال الأساسية لكتابة الملخصات هي:

1-الطريقة النثرية

هي نقل مركز أو نسخة مكثفة ومركزة من الأصل، وعادة ما تكتب بشكل نثرى.

2- الطريقة الهيكلية

وهذه تكون على شكل كلمات مفردة أو فقرات مختصرة، وتوضع على شكل قائمة،
باستخدام تقسيمات مثل: العناوين الرئيسة والعناوين الثانوية المتفرعة مع استخدام الترقيم والترميز.

3- الأشكال والخرائط العنكبوتية

وتتم هذه الطريقة بوضع العنوان الرئيس في مركز الورقة على شكل هندسي،
بيضاوي، أو مربع أو دائري أو مستطيل،
ويتفرع منه أسهم وخطوط، كل فرع رئيس قد يتفرع بدوره إلى أفرع ثانوية،
وتستخدم هذه الطريقة خاصة إذا كان الموضوع المدروس ذا تصنيفات كثيرة ،
والكتابة تكون مختصرة في هذه الأشكال.

المهارة الثالثة : مهارة الحفظ

كيف تذاكر وتحفظ المعلومات ؟

هناك عدة طرق للمذاكرة والحفظ أهمها :

1-طريقة الببغاء

المذاكرة عند العديد من الناس ، تعنى الإعادة والتكرار إما بالتسميع الشفهي أو الكتابي،
ولكن يعيب هذا الأسلوب ، أن هذا الالتصاق أو التعليق يكون مهزوزًا؛
فقد يكتشف الطالب أن المعلومات التي قام بتسميعها ، تحت ظروف القلق النفسي،
قد ذهبت بشكل كامل ، كأن الدماغ أصبح فارغًا من كل أثر للمعلومات،
وهذا لا يعنى أن هذه الطريقة فاشلة، ولكن يجب أن يطور هذا الأسلوب،
وتستخدم وسائل أخرى مدعمة له ، مثل قوة التخيل، والربط التسلسلي .

2-طريقة التخيل

هي عملية تكوين صورة عقلية لشيء تم ملاحظته وتخيله ثم تحويله إلى صورة
واقعية مجسمة، ثم نعمل على إعادة تكرار هذه الصورة عدة مرات في مخيلتنا
مما يعمل على تعزيز قوة الذاكرة لدينا.

مثال :

تخيل أنك مخرج برامج ، حينذاك كل شئ سيأخذ بعداً بصرياً وحركياً وسمعياً ،
مما سيعمل على تعزيز قوة الذاكرة .

3-طريقة الربط الذهني

إحدى الطرق المتفرعة من قوة التخيل؛ فالمعلومات الجديدة من السهل
تحويلها إلى معلومات طويلة المدى، فكلما نجحت في صنع الارتباطات
كلما كان تذكرك للأشياء أفضل.

المهارة الرابعة: المراجعة

1- دوّن أكثر النقاط أهمية في كراسة الملاحظات.
2- راجع هذه الملاحظات دورياً.. اقرأها بصوت عالي.
3- لخص قدر المستطاع وقلل من ملاحظاتك لتتذكرها.
4- أثناء المراجعة والمذاكرة عليك بتوقع الأسئلة.
5- راجع وفق جدول زمني.
6- استخدم الألوان وأشِّر على أهم النقاط.
7- داوم على الأدعية أثناء المذاكرة وحفظ القرآن
والأذكار وحافظ على الصلاة, فلا بارك الله في عملٍ ينهى عن الصلاة.

كيف تعد برنامجاً للمراجعة؟

إن إعداد برنامج للمراجعة يلعب دوراً كبيراً في الاستعداد للامتحانات،
ويتم إعداد برنامج أو جدول المراجعة تبعاً لمقدرة كل طالب,
وتبعاً لنوعية المواد التي سيجري فيها الامتحان

على أن يكون في الشكل التالي:

1- المذاكرة المنتظمة لجميع المواد المقررة.
2- المراجعة المنتظمة لأنها مرحلة هامة؛ فلا تبدأ بالمراجعة ليلة الامتحان
ولكنها مستمرة مع نهاية كل جلسة للمذاكرة.
3- ترتيب مواد الامتحان تبعاً لقربها الزمني من تاريخ الامتحان.
4- تحديد المواد التي تحتاج لمجهود ووقت أكبر في المراجعة.
5- تحديد الزمن المتبقي على كل مادة وتقسيمه تبعاً لها.
6- وضع المادة الصعبة مع مادة أقل صعوبة.
7- تحديد فترات في الجدول للراحة ولممارسة هواية محببة مما يساعد على
تهيئة الجسم والذهن للاستيعاب الأفضل.
8- تجنب أسباب التشتت الذهني وأحلام اليقظة أثناء المراجعة؛ فمن يعمل ليس لديه وقت للأحلام.
9- احذر أن تقلد زملاءك في طريقة مراجعتهم؛ فلكل إنسان طريقته ومقدرته التي تميزه,
فإن طريقتك الخاصة في هذا الوقت هي أفضل الطرق.
10- اجعل مراجعتك لكل درس بأن تضع هيكلاً للدرس في عناوين رئيسة وفرعية,
ثم ابدأ بمراجعة كل ما يخص كل عنوان على حدة بعد أن تكون قد وضعت الهيكل الأساسي للمادة ككل, فهذا يساعدك -إن شاء الله- على تذكر كل النقاط الخاصة بكل درس عند الإجابة في الامتحان.

كيف تقاوم النسيان وتقوى ذاكرتك ؟؟؟

اهتم علماء النفس بدراسة ظاهرة النسيان خاصة لدى الطلاب،
وحددوا بعض القواعد التى تساعد على التغلب على النسيان
وتعمل على تقوية القدرة على التذكر

وأهمها

1-تعرف على النقاط الرئيسية فى الدرس وضع خطاً تحتها وكرر قراءتها حتى تثبت فى ذهنك وذاكرتك.

2-لا تذاكر وأنت مرهق فالتعب لا يساعد على تثبيت المعلومات فتنساها بسرعة.

3-قسم المواد الطويلة إلى وحدات متماسكة يسهل فهمها وحفظها كوحدة مترابطة.

4-ثق فى نفسك وفى ذاكرتك واحفظ بسرعة.

ثالثاً: التـسـميـع

يعتقد كثير من الطلبة أن قراءة الدرس وفهمه ومحاولة حفظه تكفى،
لكنه عندما يحاول إجابة أحد الأسئلة فى الامتحانات فإنه يقف حائراً ويقول:
(إنى أعرفها وأفهمها)
لكنه لا يستطيع الإجابة … ويرجع ذلك إلى إهماله لعملية التسميع
وعدم إدراكه لأهميتها القصوى ...

وأخيراً … نصـائح عامة للتفوق

1-حسّن علاقتك مع الله وتعرف إليه فى أوقات رخائك حتى يقف بجانبك
فى أوقات شدتك وعند حاجتك إليه .

2-ثق فى نفسك وفى عقلك وقدراتك، وتأكد أنك قادر على النجاح والتفوق
فأنت لست أقل ممن سبقوك على طريق النجاح .

3-اجتهد فى مذاكرتك وتأكد أن كل مجهود تبذله سيعود عليك بالنفع والخير
لأن الله لا يضيع أجر من أحسن عملاً .

4-حدد هدفك فى الحياة وضعه نصب عينيك، واجتهد فى الوصول إليه بكل قوتك
وإمكانياتك، حتى تنفع نفسك وأهلك ووطنك .

5-استعن بالله ولا تعجز، وأعلم أن ما أصابك لم يكن ليخطأك،
وأن ما أخطئك لم يكن ليصيبك، وأن الدنيا لو اجتمعت على أن يضروك بشىء
لم يضروك إلا بشىء قد كتبه الله عليك، وأن الدنيا لو اجتمعت على أن ينفعوك
بشىء ما نفعوك إلا بشىء قد كتبه الله لك.

6-لا تغضب والديك فدعاؤهما أكبر عون لك.

7-وادع دائما بمثل هذا الدعاء (اللهم إني أسألك فهم النبيين وحفظ المرسلين,
اللهم اجعل ألسنتنا عامرة بذكرك وقلوبنا بخشيتك...
إنك على ما تشاء قدير، وحسبنا الله ونعم الوكيل).

نتمني من الله عز وجل التوفيق للجميع

ان شاء الله

ايييييييييييييييييييييييه ايييييييييييييييييييييييييييه
هو فرح ولا ايه
كل ده علشان اذاكر
دانا على م اقرى دول اكون سقطت و عدت السنه مرتين

والله كل الطرق دي ما تنفع في الكليه بتاعتنا دي ابدا
يعني مثلا انا فضلت اذاكر ماده اسمها اي اس بعيد عنك كدا 6 شباتر 200صفحه في يومين علي السريع يعني استخدمت الذاكره القريبه بحيث اني اروح ارمي الكلمتين في ورقه الاجابه واجري
وبعدين الدكتور جايب اسائله ايه بقي علي اساس اننا صمين المنهج
جايب اسئله محدده دا علي كل حته في المنهج دا مسبش صفحه مجبش منها ناقص كان يسالنا علي ارقام الصفحات الي جبنا منها الاجبات
يعني في اي كليه ممكن يمشي الكلام دا الا عندنا
احنا عندنا متبعين نظام تاني خالص
ذاكر تسقط دح برده هتسقط
يعني هتروح فين
وعلي راي كتكوت
مدام اقده ساقط اقده ساقط انا احرق دمي ليه عشان كدا
سلااااااام

السلام عليكم
شكراا كتير كتير ليكي يا رحيق
انا قرأت موضوعك كله
واستفدت منه كتير
جزا كم الله خيرا
مش عارفين تذاكروا.....يبقى الحل هنا! 947386

السلام عليكم ورحمه الله وبركاته
هو الموضوع ده عن ايه بقي ؟!!
اااااااه المزاكرة معلش
بصوا المزاكرة دى بقي مش ليها الكلام ده خااااااااالص
وبالذات بقي ف كليه زى كليتنا دى
و كمان مفيش كليه زى كليتنا دى خالص
دى ( تييييييييييييييييييييييييت ) ؟؟.
يلا بس
مش عارف اقولك ايه ع الموضوع ده
بس هو كويس ومفيد
بس للي معرفش الكليه دى او عايز يعدى ويبقي حاجة
سلااااااااااااااام

السلام عليكم
مشكورة حبيبتى ع طرحك للموضوع
وبعدين ياجماعه ايه الهجوم ده
هى عندها حق
انا احيان كتيييييييير بذاكر بالطريقه دى
وربنا يكرم الجميع
وبعدين طرق المزاكرة كتيره وبتختلف من شخص لشخص تانى
يلا بقى اسيبكوا انا واروح ازاكر
سلاااااااااااااااااااااام
دلوعه
m.m.m

السلام عليكم ورحمة الله وبركاته

شكرا لردودكم ودى وجهات نظر وأنا احترمها اللى شايف ان الطريقة دى مش هتنفعه

ده عادى لاننا شخصيات وبالتالى نختلف عن بعضنا ف التفكير وميولنا

ملحوظة : الانسان بأمكانه استخدام اى طريقة للمذاكرة وهتنفع معاه ولا توجد طريقة لا تنفع.

The Dark Knight  ربنا ما يجيب سقوط

hamaky ان شاء الله بالنجاح

smsm  شكرا ياحبيبتى والحمد لله انك استفدتى ربنا يوفقك

IMMORTAL CZAR   اة الموضوع ده عن المذاكرة

دلوعه مصر
تسلميلى ياقمرى ونورتينى وربنا يوفقك دايما.

» بالذمة دا يبقى اسمه أيه !!!!!!!!!!!!!!!!!
» ماذا ستفعل اذا علمت انه لم يبقى من عمرك الا يوم واحد؟؟؟
» مطلوب عريس *لو داخل تهزر يبقى بلاش تدخل*