المراه احيانا تدمر المجتمع

المرة دي بقى الموضوع مفهوش اي انحياز للبنات انا انهاردة بقى
ذي ما قلت الي بيعمله الصبيان وحش جايه اقول على الي بيعملوة البنات
وارجو ان البنات ما تزعلش زي ما الولاد قالوا في الموضوع الي فات
ان العيب من البنت لانها بتخرج من بيتها مش محترمه هما عندهم حق
يعني لو انا طالعه من بيتي محترمه نفسي ولابسه كويس وماشيه كويس
ده على الاقل مش هيخليني عرضه الي اني اتعاكس او اي حد يضايقني
لكن لو انا بقى طالعه مفيش بعد كدة ولابسه مش كويس وضاربه اتنين كيلو بدرة
في وشي غير علبة الالوان والله بقى يبقى انا استاهل الي يجرى لي
لاني انا الي من الاول عرضت نفسي لكدة ولو انا محترمه نفسي هفرض
احترامي على الجميع وده بقى كدم والضحك والهزار في الشارع كوم
تاااااااااني خالص يعني هو خلاص حبكت الضحكه ويا سلام
بقى لو كانت بتاكل لبان تبقى كملت وكدة بقى بتقول انا عايزة حد يعاكسني
ودي انا كبنت لو شفتها انا اصلا هنعل اليوم الي مشيت فيه من الشارع
ده وشوفتهاوبعدين في حاجه كمان ودي بقى انا عارفه انكم هتعارضوا فيها للصبح
انا بقى شايفه انه معظم المصايب الي بتحصل سببها البنات
لانهم واخدين حقهم بزياده شويه وبالذات في العمل وطبعا نسبة البطاله
رفعت فالشباب لجا الي المصايب الي بيعملوها ده غير بقى ان الواحدة بتبقى نازله لشغلها
وكانها رايحه الديسكو وده طبعا مش كلهم لادي نسبه منهم
بس يعني يا جماعه ذي ما بنلوم على الشباب علشان الي بيعملوة
ليه ما ندورش على السبب ونحاول نلاقي حل واكيد هنلاقيه
ويا بنات الله يخليكم حافظوا على مظهركم شويه وتعالي على نفسك واخرجي
من بيتك مش ملفته للنظر مش الي تخرج من البيت وهي لابسه
هدوم اصلا ما يتقالش عليها هدوم لا وايه عامله لي الطرحه اسباني
اسباني مين ونيلة مين ايش يكونوا الاسبان دول اصلا
علشان نقلدهم وبعدين هما اصلا الاسبان بيلبسوا طرح
هيجرى ايه يعني لو تلبسي الطرحه عدل هتقولك لا
وبعدين الي تبين نصف شعرها من الطرحه وتقولك الاصه
بلا نيله اصة ايه وهباب ايه اومال انتي ليه لابسه الطرحه
مش علشان تغطي شعرك ولا ايه لا والي بقى تلبس البنطلون
قصير سبحان الله مش هاين عليها تجيب البنطلون طويل شويه
خلاص يعني لو مش قصير مش هيتلبس والجيبات القصيرة
هي مش هتطول ولا ايه ولا بقى الي ربنا يهديها وتلبس
جيبه طويله نفسيتها تتعب وما يهونش عليها وتروح مسقطه الجيبه
طب ليه كدة ده حتى فال وحش احنا ناقصين سقوط حرام
والي تلبس البادي على القمر بتاع البنطلون
لا والله ده حالتهم صعبه اوي بجد يعني ربنا يشفيهم
يلا بقى كفايه لحد كدة لحسن شكلي كدة هتضرب
سلااااااااااااااااااااااام

السلام عليكم
شكرا ليكى يا تويتى انك طرحتى الموضوع ده للنقاش
وكلامك مظبوط جدا
وشكرا لدلوعه لانها قالت كلام كان محتاج يتقال فعلا
العيب مش من البنات بس ولكن من الجنسين
الولاد بيقولوا ان البنات لبسها مش كويس
خلاص ماتيجي نلبس كويس علشان ماحدش يرخم علينا
وبيفولوا كمان ان فيه بنات بتبقي عايزه تتعاكس
نفسي واحده تكون جريئه تقولي هي بتحب تتعاكس ليه
وازاي هي بتطيق الحكايه دي
دا الواحد بيتحرق دمه لما حد بيرخم ويقول كلمه

شكرا ليكم

السلام عليكم
ممكن اعلق علي كلامك يا تويتى
معلش متزعليش من كلامى
شغلك فى البيت مش اسمه بتشتغلي عند زوجك
الحياه الزوجيه مشاركه بين الزوجين
مفيش حد بيشتغل عند التانى
وفيها ايه يعني لما تشتغلي وفي نفس الوقت
تعملي كباب و بسطرمه