اقرا الجديد يا عم الروش

جبتلكو النهارده حبة مصطلحات جديده

يبدأ يوم الشباب عندما تتجمع (( العصابة )) يعنى الشلة كل (( مورنينج )) عند (( ناصية الرمش )) وهى عبارة عن مكان تتوافد إلية مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها يعنى لو البنت حلوه يطلق عليها (( أوكشة )) (( فى الزيف )) يعنى فى الجون ولو لابسة جزمة كعب عالى (( الآستوك بيتوك )) أو حتة (( شامبو )) يعنى ريحتها حلوة ومستحمية !!!

ولو البنت صغيرة يطلق عليها (( أووزى )) ولو كانت البنت الاجمل فى الشلة يطلق عليها (( النتفة )) أما لو كانت قبيحة الشكل تبقى (( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى (( سلعووه ))

ولو كانت لعوباً يطلق عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!

ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى (( بيئة ))....

وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى ))[/size

[size=21]وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ...

ولو الولد زهق (( اتخنق )) من البنت أو العكس يقولها (( سمعينى بودعك )) أو (( حديها الدبلة )) ....

وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف (( الموكوس )) الغلبان ....

خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك (( تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ... (( تس تس )) يعنى رزل وممل ... (( شامورتى )) يعنى خنييق ..

(( توت فروت )) مظهرجى ... (( خفشاوى )) غير واضح وهايف ... (( شنيش )) يعنى لامؤخذة هفأ .. !!!

ولو الولد تعبان فى المذاكرة يعنى (( جايب جاز والشراب هوى ومتخرتق )) !!!

وأكثر مصطلحات متداولة هذة الايام

(( العب باشكا )) يعنى العب على المكشوف !!
(( حطيت إيدى على البلف )) يعنى فهمت الموضوع !!!
(( أدعك الفانوس دلوقتى )) يعنى ممكن تمشى وترحل !!!
(( أرحلك )) أخرجك من الشلة !!
(( الجوند )) فلوس !!
(( مكيش القفف )) معاه فلوس كتير !!
(( يا صباح المظلات )) للمتقدمين للكليات العسكرية !!
(( فهمـى )) يعنى نفض وكبر الجمجمة !!!
(( أحلق )) طنش !!!
(( انت حتزاولنى )) انت حتشتغلنى !!!
(( مهييس )) عامل دماغ وطاير قووى !!!
(( يا صباح اللى بتغنى )) صباح الخير !!
(( يا مساء الليل )) يعنى يا مساء الخير !!!
(( فوكك )) سيبك من الموضوع دة !!!
(( أراك أمس )) يعنى مش عايز اشوفك تانى !!!
(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!
(( كل معرفتى بيه .. هاى باى )) يعنى مش صاحبى قوى !!!
(( إحنا اللى بنقلوظ القلاووظ بصباع الموز )) يعنى احنا نقدر نعمل كل حاجة !!
(( شوليطى . موليطى )) يعنى مش معايا فلووس .. مفلس !!
(( بلح )) يعنى اركن او نام شوية او اهمد ..

ومن مصطلحات الاغانى المنتشرة بكثرة هذة الايام الاتى :

(( انا رايح ألعب مع روبى )) يعنى انا رايح الجيم !!!
(( تعالوا نحصل ماريا )) تعالوا نلعب شوية !!
(( انت بتقلد روبى ؟ )) يعنى بتخبى وبتدارى !!
(( أنت كدة تعجب بوسى سمير )) يعنى انت حطيت النقط على الحرووف !!

كفايه كده
اهرب انا بقاااااا

الله يحرق اليوم الي دخلت قيه الجامعه ويخرب بيتك الي قالي وصلني نت
وعلى راي حليم بيك حافظ
"كان مالي ما كنت في حالي متهني ببالي الخالي"
سلاموووووووووووز

السلام عليكم
واضح يابشمهندس انك ضايع جدااااااااااااااااااا فى اللغه العربيه يعنى تقريبا كده والله اعلم
انك اصلا كنت ساقط عربى فى السنه العامه
ضيعت مفردات اللغه تماما
حرام عليك والله
انصحك تاخد كورسات عربى
تسلم ايدك
على فكرة انا بهزر
بس اصلى مش من النوع اللى بيحب الكلام ده ولا يحب يقوله
بس يلا تسلم ايدك
سلام
دلوعه

جميله جدا وشكرا يا بشمهندس علي الكلام الجامد ده
والنصائح الغاليه
هههههههههههههههههههههه

جميله جدا وشكرا يا بشمهندس علي الكلام الجامد ده
والنصائح الغاليه
هههههههههههههههههههههه

كلام جديد فعلا وهنستفيد به ان شاء الله

بيس يا معلم
انت كده فى حاسبات صح

اشطه عليك يا مان
ايه المصطلحات الجامده دي
احنا الاحسن نحول من حاسبات
لاننا كدة كبيرنا صياعه قصدي سياحه
سلااااااااااااااااااام

ينهار ايه دا انا كدا والله واعلم متطلعتش روش
انا الكلام دا معظمه اول مره اسمع عنه
وانا الي كنت فاكر نفسي صايع
علي العموم انا عايز احجز درس في صياعه عندك في الصيف الجي
اوك
سلااااااااااام

يانهار شنحف
اية المصطلحات بس دا انا على كدة عتل كبير اووووووووووووووى وانا الى كنت فاكر نفسى مشعوذ الشلة

شكرااااااااااااااااا ليك يا باشا