البنت زى الولد ماهيش كماله عدد

السلام عليكم
طبعا الله يرحمها سعاد حسنى هى اللى غنت الاغنية دى ....بس انا ممكن اثبتلكم ان البنت مش زى الولد ...خليكو معايا

المثل بيقول (الواد لخاله والبنت لعمتها)يعنى الواد يشبه خاله والبنت تشبه عمتهها فلو مافيش فرق بين الواد والبنت تبقى مصيبة لان الواد هيشبه عمته والبنت هتشبه خالها
المثل بيقول (اعز الولد ,,ولد الولد )ومسمعناش مثل بيقول اعز الولد بنت البنت

البنت لما تتعاكس فى الشارع تبص للولد وتقوله هو انت معندكش اخوات بنات ياكابتن ،ومع ذلك لما بنت تعاكس ولد مينفعش يقولها هو انتى معندكيش اخوات ولاد يا موزة.

الولد ممكن يقعد عند الميكانيكى ويصطبح بكباية شاى,البنت ماينفعش تقعد عند الميكانيكى.

الولد لو مسافر خمس ايام كل اللى محتاجه معاه بنظلون جينز وتى شيرتين وجيل وفرشة اسنان يرميهم فى الشنطة اللى على كتفه وخلصنا ،البنت لو مسافرة خمس ايام تاخد معاها شنطتين من بتوع واحد مسافر الكويت.

الولد ممكن يفك الانبوبه وينزل يغيرها وكمان يركب الانبوبة الجديدة ،البنت بالكتير اوى ممكن تصرخ وهيا فى المطبخ ...يامااااااااااااماااااااؠ ?ا الانبوبة خلصت.

لو فيه موسيقى شغالة صعب ان فيه حد يقول للولد قوم ارقص شوية.

الولد ممكن يقلع جزمته فى الشارع ويديها للراجل بتاع الورنيش عشان يلمعها ،مستحيل البنت تعمل كده.

الولد ممكن يرقص فى الشارع فى زفة ابن عمه،البنت اخرها تقف تسقف وتزغرد وتحترم نفسها.

البنت لما تحط مكياج تبقى احلى ،الولد لو حط مكياج يبقى بلياتشو.

دايما فى المترو او الاتوبيس او الميكروباص الولد هو اللى بيقوم عشان يقعد البنت لو واقفة ،عمرنا ماشفنا بنت بتقوم وتقعد ولد.

الولد مش مضطر يمشى بشنطة .

لو البنت زى الولد ،واليسا بقت زى عصام الحضرى ،والهام شاهين زى يوسف شعبان.

لو البنت زى الولد،ماكنوش عملوا فى البطاقة خانة اسمها النوع ولازم تكتب قدامها بوضوح ذكر او انثى.

بعد كل ده والست سعاد حسنى بتقولك البنت زى الولد ...... .

اهههههههههههههههههههههههههه
اههههههههههههه
ع فكرة يا رووونى انت كده هتقلب المنتدى عليك

أنا مش معاكم ف الموضوع ده
اههههههههههههههههههههههههههههههههههه
بس ع فكرة ف الحتة بتاع الزفة دى بتحصل ان بنات بيرقصوا عااااااااادى جدا

الولد ممكن يرقص فى الشارع فى زفة ابن عمه،البنت اخرها تقف تسقف وتزغرد وتحترم نفسها.
أمل لموضوع الميكروباص أنا اللي بتحط ف الموقف ده دايما
مبحبش أشوف واحدة وااقفة خاالص ... مع إنها لما بتركب بتبقي شايفه انه مفيش مكان
بس بتعتمد ع الأشخاص اللي زي
دايما فى المترو او الاتوبيس او الميكروباص الولد هو اللى بيقوم عشان يقعد البنت لو واقفة ،عمرنا ماشفنا بنت بتقوم وتقعد ولد.

يلا و شكرا ليك ع الموضوع ده يا روونى
سلام عليكم

شكرا يا سيزار
وربنا يوفقك

ميرسى على الموضوع يا رووونى
سلاااام
حريشى

شكرا يا حريشى
على اهتمامك